“Сити” ўйинчисини бешта клуб талашяпти

“Манчестер Сити” ярим ҳимоячиси Нико О'Райли фаолиятини Англия Премьер-лигасининг бошқа клуби ёки умуман мамлакатдан ташқарида ҳам давом эттириши мумкин.

Caught Offside нашрининг маълум қилишича, 20 ёшли футболчига ҳозирнинг ўзида бешта клубдан таклиф бор. Англиядан “Лидс Юнайтед”, “Ноттингем Форест” ва “Брайтон” иқтидорли ўйинчини ҳамкорликка чорламоқда.

Бундеслига вакли “Байер” ва Франциянинг машҳур клубларидан “Лион” ҳам Нико билан ҳамкорлик ўрнатишга тайёр. Манбага кўра, бу жамоаларнинг барчаси О'Райлини қишки трансферлар даврида ўз сафига қўшиб олмоқчи.

Нико клуб академиясидан етишиб чиққан. Унинг “Манчестер Сити” билан амалдаги шартномаси яна уч йил давом этади. О'Райлига қизиқиш ортиб бораётганини инобатга олган “шаҳарликлар” ўз ўйинчисига янги шартнома тайёрлаяпти.