“Сити” ўз футболчисини рақиб “Арсенал”га сотишга кўнди

«Манчестер Сити»нинг бразилиялик вингери Савио бу ёзда жамоани тарк этиши мумкин. RTI Esporte маълумотига кўра, иқтидорли футболчига «Арсенал» жиддий қизиқиш билдирмоқда.

Лондон клуби аллақачон футболчининг вакиллари билан алоқа ўрнатган, «Манчестер Сити» эса уни шу ёзда сотишга тайёр.

Яқин вақт ичида Англия чемпиони Савио трансфери бўйича расмий таклиф билан чиқиши кутиляпти.

Савио 2024 йилда Франциянинг «Труа» клубидан 25 миллион евро эвазига «Манчестер Сити»га ўтган. Унинг шартномаси 2031 йил 30 июнгача амал қилади.

2025/26 йилги мавсумда бразилиялик футболчи барча мусобақаларда 36 та ўйинда қатнашиб, 4 та гол урди ва 3 та голли узатмани амалга оширди.

Transfermarkt портали унинг бозор қийматини 35 миллион евро деб баҳолаган.