"Сити" собиқ футболчиси Де Брюйненинг кетишига муносабат билдирди

Хабарингиз бор, Кевин де Брюйне 2024-2025 йилги мавсум якунида "Манчестер Сити"ни тарк этишини эълон қилди. Белгиялик футболчининг бу баёнотига "шаҳарликлар"нинг собиқ футболчиси Серхио Агуэро ўз муносабатини билдирди.

- Сен "Манчестер Сити"ни буюк қилдинг ва энг яхшисига лойиқсан. Шунча йил бирга ўйнаб, сенинг ўсишингга гувоҳ бўлиш мен учун шараф эди. Барчаси учун раҳмат, афсонавий футболчи! - дея ёзди Агуэро ижтимоий тармоқлардаги саҳифасида.

Маълумот учун. Де Брюйне 2015 йил август ойининг охиридан бери "Манчестер Сити" сафида тўп тепиб келмоқда. "Шаҳарликлар" Англия чемпионатидаги навбатдаги ўйинини 6 апрель, якшанба куни меҳмонда "Манчестер Юнайтед"га қарши ўтказади.