“Сити” хўжайини нега бош мураббийликка Энцо Мареска қўйилгани сабабини айтди

 “Манчестер Сити” клуби бошқаруви раиси Халдун Ал-Муборак жамоага италиялик мутахассис Энцо Маресканинг бош мураббий этиб тайинланганига муносабат билдирди.

-  Энцо – фаолияти давомида доимо янги чақириқларни излаган ва юқори натижаларга интилиб келган мураббий. У жамоага харизма, ишга бўлган катта иштиёқ ва юқори футбол заковатини олиб келади. Айнан шу сифатлар бизга керак.

У мақсад ва орзулари ўзиники билан тўлиқ мос келадиган клубга қайтаётганидан мамнунмиз. Шунинг учун Энцонинг “Манчестер Сити”га қайтиши ҳам унинг ўзи, ҳам клубимиз учун табиий ва кутилган қадам бўлди.

Унинг ихтиёрида ўзининг ўйин ғояларини амалга ошириш ва янада ривожлантириш учун жуда мос таркиб ва футбол тузилмаси бўлади. Унинг клубнинг келажакдаги муваффақиятларига қандай ҳисса қўшишини катта қизиқиш билан кутяпмиз. Хуш келибсан, Энцо, - деди Халдун Ал-Муборак клуб расмий сайтига.

Эслатиб ўтамиз, Мареска бош мураббий лавозимида Хосеп Гвардиоланинг ўрнини эгаллади.