“Сити”нинг кучи етмайди

Хосеп Гвардиола ёзда жамоани тарк этадиган Серхио Агуэронинг ўрнига кўп гол урадиган ҳужумчи қидираётган эди. Бироқ, клуб ёзда янги ҳужумчи олмайдиган бўлди.

- Кейинчалик нима бўлишини билмайман, лекин ҳужумчиларнинг ҳозирги нархига қараб, айтишим мумкинки, биз ҳужумчи сотиб ололмаймиз. Бунга ҳеч қандай имконият йўқ. Биз катта харажатларга тайёр эмасмиз. Ҳозир жуда кўп клублар молиявий қийинчиликка юз тутган.

Айни пайтда янги мавсум олдидан янги ҳужумчи олмаслигимиз ҳақиқатга анча яқин, - деди Хосеп Гвардиола.

Агар бош мураббийнинг гаплари рост бўлиб чиқса, “Манчестер Сити” келаси мавсумда ҳужумда Габриэль Жезус ва 18 ёшли Лиэм Дэлапга таяниб қолади.

Аввалроқ, “шаҳарликлар” Ромелу Лукаку, Эрлинг Холанд, Дэнни Ингз ва Килиан Мбаппега кўз тикаётгани ҳақида хабарлар тарқатилган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)