"Сити"нинг тажрибали ҳимоячисини "Милан"га олиб кетишмоқчи

Мануэль Аканжи "Манчестер Сити"дан "Милан"га ўтиши мумкин. Бу ҳақда инсайдер Фабрицио Романо маълум қилди.

Манбанинг хабар беришича, томонлар 30 ёшли ҳимоячининг трансфери бўйича музокаралар олиб бормоқда ва улар муваффақиятли кечмоқда. Трансфер швейцариялик футболчининг қарори ҳамда клублар ўртасидаги келишувга боғлиқ бўлади.

Шунингдек, "Милан" "Арсенал" ҳимоячиси Якуб Кивёр билан боғлиқ вазиятдан ҳам хабардор. Ҳимоячи учун курашаётган "Порту" клуби у учун 26 миллион евро таклиф қилган.

Маълумот учун, Аканжининг "шаҳарлик"лар билан амалдаги шартномаси 2027-йилнинг ярмига қадар амал қилади. Трансфермаркт портали ҳимоячини 28 миллион еврога баҳоламоқда.