Slavche Voyneski: "Raqibda g‘alaba uchun xohish katta bo‘ldi"

Superliganing 13-turidan o‘rin olgan “Paxtakor” – “Bunyodkor” (2:3) uchrashuvidan so‘ng mezbonlar bosh murabbiyi Slavche Voyneski o‘z fikrlari bilan o‘rtoqlashdi.

-  Birinchi bo‘limda to‘pni nazorat qildik, vaziyatlar yaratdik. Biroq ularning bittasidan foydalandik. Ikkinchi bo‘limda jamoam o‘zgardi. Himoyadan hujumga chiqishda xatolar kuzatildi.

Tan olish kerak, raqibda g‘alaba uchun xohish katta bo‘ldi. Tarkibimizda yo‘qotishlar ham borligini aytib o‘tishim joiz, Sardor Rashidov, Odil Hamrobekov, Oliver Sharkich va hokazo.

Safimizda iqtidorli yosh futbolchilari bor. Har bir futbolchi tarkibda maydonga chiqib darajani saqlab qolish kerak. Yozgi tanaffusda barcha xatolarni tahlil qilamiz.

“Bunyodkor” matbuot xizmati.