Славче Войнески: "Рақибда ғалаба учун хоҳиш катта бўлди"

Суперлиганинг 13-туридан ўрин олган “Пахтакор” – “Бунёдкор” (2:3) учрашувидан сўнг мезбонлар бош мураббийи Славче Войнески ўз фикрлари билан ўртоқлашди.

-  Биринчи бўлимда тўпни назорат қилдик, вазиятлар яратдик. Бироқ уларнинг биттасидан фойдаландик. Иккинчи бўлимда жамоам ўзгарди. Ҳимоядан ҳужумга чиқишда хатолар кузатилди.

Тан олиш керак, рақибда ғалаба учун хоҳиш катта бўлди. Таркибимизда йўқотишлар ҳам борлигини айтиб ўтишим жоиз, Сардор Рашидов, Одил Ҳамробеков, Оливер Шаркич ва ҳоказо.

Сафимизда иқтидорли ёш футболчилари бор. Ҳар бир футболчи таркибда майдонга чиқиб даражани сақлаб қолиш керак. Ёзги танаффусда барча хатоларни таҳлил қиламиз.

“Бунёдкор” матбуот хизмати.