Собиқ «Барселона» футболчиси Роналду ва Месси ўртасидаги таққослашларга ўз муносабатини билдирди

Лондоннинг «Арсенал» ва Каталониянинг «Барселона» жамоалари собиқ ярим ҳимоячиси Александр Глеб аргентиналик Лионель Месси ва португалиялик Криштиану Роналду ўртасидаги таққослашларга ўз муносабатини билдирди.

«Роналду мен учун буюк футболчи. У – ажойиб ютуқ ва натижаларга эришган юлдуз. Лео эса умуман бошқа оламдан, уни ким биландир солиштиришнинг ўзи қийин. У етиб бўлмас даражада», – дея Глебнинг сўзларини келтиради «Чемпионат» нашри.

Эслатиб ўтамиз, Криштиану Роналду бошчилигидаги Португалия жамоаси жаҳон чемпионати–2026 мусобақасини 1/8 финал босқичида якунлади. Португалия Испанияга 0:1 ҳисобида мағлуб бўлди. Лионель Месси етакчилигидаги Аргентина терма жамоаси эса чорак финалга йўл олди ва эндиликда Швейцария миллий жамоасига қарши майдонга тушади.