Собиқ мураббий: Месси ва Роналду футболчи эмас, улар...

Москванинг "Спартак" клуби собиқ мураббийи Валерий Гладилин Лионель Месси ва Криштиану Роналдуни бизнесменлар деб атади.

Бундан ташқари, мутахассис иккала футболчи ҳам улкан бойликка эга эканлигини таъкидлади.

- Менимча, улар бизнес билан шуғулланишади. Футболчилик фаолияти улар учун аллақачон босиб ўтилган босқич, - деди собиқ мураббий.

Эслатиб ўтамиз, Месси МЛСда "Интер Майами" шарафини ҳимоя қилмоқда. 23 февраль куни аргентиналик футболчининг клуби янги мавсумда "Нью-Йорк Сити"га қарши майдонга тушади. Роналду Саудия Арабистонининг "Ан-Наср" клубида ўйнашда давом этмоқда. Жорий мавсумда португалиялик 28 та ўйинда майдонга тушиб, 24 та гол урди ва тўртта голли узатмани амалга оширди. Айни пайтда Криштиану футбол тарихидаги энг яхши тўпурар бўлиб турибди ва ўз рекордини янгилашда давом этмоқда.