Собиқ ПСЖ футболчиси Париж клубини қаттиқ танқид қилди

Айни дамда "Челси" шарафини ҳимоя қилаётган собиқ ПСЖ футболчиси Тиаго Силва парижликларнинг "Реал"дан учралган мағлубияти ҳақида фикр билдирди:  

"Париж клубини қўллаб-қувватловчилар учун тасаввур қилиб бўлмайдиган мағлубият. 

Ҳар йили бир хил нарса. Жамоага қўшиш керак бўлган жиҳатлар бор. Бироқ кўплаб ўзгаришларга зарурат йўқ. Ҳаммасини нолдан бошлайвериш футболда қабул қилиб бўлмас ҳолат. 

ПСЖда пул бор, аммо бу футболда муваффақият қозониш учун етарли эмас. Титуллар бундай қўлга киритилмайди. 

Улар Францияда ҳар доим ғалаба қозонади. Лекин катта турнирларда пул ҳеч нарсани англатмайди. Чемпионлар лигасида зафар қучиш бу қадар осон эмас", - деди бразилиялик ҳимоячи.