Собослаи: «Жога бонито услубидаги маҳоратлар фақат кўзбўямачилик»
«Ливерпуль» ва Венгрия терма жамоаси ярим ҳимоячиси Доминик Собослаи замонавий футболда шоу учун қилинган финтлар ва трюкларнинг ўрни ҳақида ўз фикрини билдирди. Унинг таъкидлашича, агар бундай услубдаги ҳаракатлар жамоага натижа олишда ёрдам бермаса, уларнинг қиймати катта эмас.
«Joga bonito услубидаги кўникмалар — бу фақат кўзбўямачилик, — дейди Собослаи. — Менимча, уларнинг футболга алоқаси деярли йўқ. Албатта, уларни бажариш йўқимли, аммо мен доим бир нарсани унутмайман: футболда рақобат шунчалик кучлики, ғалаба учун мумкин қадар ҳамма нарсани қилиш керак. Профессионал футболчи учун асосий мақсад — айнан шу», — дея футболчининг сўзларини L’Equipe нашри келтиради.
Унинг таъкидлашича, у майдонга фақат битта ёндашув билан чиқади — натижа учун ўйнаш.
«Мен учун ягона йўл бор: биз ғалаба қозонишимиз керак. Биз жуда юқори даражадаги мусобақаларда иштирок этамиз, бундай турнирларда фақат томошабинларни кўнгилочоқ қилиш учун қилинадиган трюкларга ўрин йўқ», — деди Собослаи.
Эслатиб ўтамиз, ўтган мавсумда 25 ёшли Собослаи клуб даражасида 53 ўйинда майдонга тушиб, 13 та гол урди ва 12 та голли узатма муаллифига айланди.
Фикрлар