Соғломлар Олимпиадасида чемпион бўлган ногирон спортчи - афсонавий Жорж Эйсер ҳақида эшитганмисиз?

Жорж Эйсер 1871 йил Германияда туғилган. Болалигидан гимнастика билан шуғулланган. Кейинчалик унинг оиласи АҚШга кўчиб кетгач, у машғулотларини океан ортида давом эттиради.

Афсуски орадан маълум вақт ўтгач, у бахтсиз ҳодисага учрайди. Аниқроғи, поезд тагида қолиб кетади ва чап оёғидан ажрайди. Бироқ, Жорж шунга қарамай, ёғоч протез ёрдамида ўзи яшайдиган Сент-Луис шаҳрида бўладиган Олимпия ўйинларига тайёргарликни давом эттиради.

Эътиборлиси, бир оёғи ёғоч протез бўлган Жорж Эйсер ушбу Олимпиадада брусда машқ бажариш бўйича олтин медални қўлга киритади.