"Спартак" ирода намойиш этди

Россия Премьер-лигаси 10-туридан ўрин олган "Спартак" - "Зенит" учрашуви ўз якунига етди. Турнир жадвали пешқадамлиги учун кечган муросасиз беллашувда томонлар 1:1 ҳисобида дурангга имзо чекишди.

Ҳамюртимиз Остон Ўрунов учрашувни асосий таркибда бошлаб, 80 дақиқадан кўпроқ ўйнади. 

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Ешченко сариқ карточка ишлаб олди.

• 90+'
  

  Учрашув асосий вақтига 3 дақиқа қўшиб берилди.

• 90'
  

  Маркитесов Ларссон ўрнига майдонга тушди.

• 89'

  Ларссоннинг жаримадан узатган тўпини дарвозабон ушлаб олди.

• 88'
  

  Барриосга сариқ карточка кўрсатилди.

• 86'
  

  ГООООООООООООООООЛЛЛЛЛЛЛЛЛЛЛЛ!!! Понсе ҳисобни тенглаштирди. 

• 85'
  

  Ешченко Ўрунов ўрнига майдонга тушди.

• 84'

  Жикия яна Малкомга имкон бермади. 

• 80'
  

  Бурчак тўпидан узатилган тўпга Понсе боши билан ажойиб зарба берди. Тўп дарвоза устуни ва тўсинига теккан ҳолда унга қайтди. Бўш қолган дарвозага Эзекель гол ура олмади. Қандай имконият бой берилди!

• 79'

  Азмуннинг узатмаси кучлироқ чиқди. Максименко тўпни ушлаб олди.

• 78'

  Караваев Понсега зарба бериш имконини бермади. 

• 75'

  Малкомнинг бирга-бир вазиятга чиқиб кетишига Жикия йўл қўймади. Ўз вақтида тўпга ташланди.

• 74'

  Зобнин қанотдан ёриб кирди. Аммо пас беришга бироз кеч қолди. Тўп майдон ташқарисига чиқиб улгурди.

• 73'

  Кралнинг жарима майдонига узатган тўпини ҳимоячилар марказга ўтказиб юбормади.

• 72'
  

  Мостовой ўрнига Азмун майдонга тушди.

• 71'

  Караваевнинг деярли бирга-бир вазиятдан берган зарбаси аниқ чиқмади. 

• 68'
  

  Дзюбага тиббий ёрдам кўрсатилмоқда.

• 67'

  Кралнинг олис масофадан берган зарбасини Ловрен блоклай олди.

• 65'
  

  ГОЛ! Ерохин ҳисобни очмоқда.

• 62'

  Понсенинг жарима майдонига кириб берган зарбаси ноаниқ кетди. Яқин бурчакка йўналтирилган тўп дарвоза тўрига ён томондан тегди.

• 60'

  Малкомнинг жарима майдони ташқарисидан берган зарбасини Максименко қайтариб юборди.

• 59'
  

  Соболев сариқ карточка олди.

• 58'

  Малкомнинг рейди муваффақиятсиз якунланди. Сўнгги паллада у бироз нозикроқ ҳаракат қилиши лозим эди. 

• 56'

  Остон Ўруновнинг жарима майдони ташқарисидан тепган тўпи дарвозабоннинг қўлларига бориб тушди.

• 56'

  Малкомнинг Дзюбага узатган тўпи бесамар кетди. Артём тўпни ўзига бўйсундира олмади.

• 55'

  Айртон жарима майдони марказига тўпни узата олмади. 

• 53'
  

  Соболев Бакаев ўрнига майдонга тушди.

• 52'

  Ларссон бирга-бир вазиятни ура олмади. Ноаниқ зарба. 

• 52'

  Ўрунов "Зенит"нинг ҳужумини тўхтатиб қолди.

• 51'
  

  "Зенит"нинг бурчак зарбаси ўхшамади. Қарши ҳужумга қочиб кетаётган Понсенинг узатмаси ноаниқ кетди.

• 48'

  Иккинчи таймда майдон эгалари кўпроқ фаоллик кўрсатмоқда.

• 47'

  Ерокиннинг зарбаси чиқмади.

• 46'
  

  Иккинчи тайм бошланди.

• 45'
  

  Биринчи тайм якунига етди. Ҳакам ҳеч қандай вақт қўшиб бермади.

• 44'

  "Спартак" футболчисининг жарима майдони ташқарисидан берган зарбаси кучсиз чиқди.

• 43'

  Ҳимоячилардан етиб келган тўпни Дзюба тайёргарликсиз дарвозага тепди. Зарба аниқ чиқмади.

• 40'

  Понсе яхши позицияга чиқиб борди. Ўруновга узатиш вариянти ҳам бўлган бир пайтда зарба беришни маъқул кўрди. Ноаниқ.

• 39'

  "Спартак" ўйинни бироз жарима майдонидан узоқлаштиришга эришди.

• 37'
  

  Дуглас Сантос сариқ карточка олди. Яхшигина қарши ҳужум ушлаб қолинди.

• 36'

  Жиго Дугласнинг узатмасини ўтказмади.

• 34'
  

  Бурчакдан узатилган тўпни Малком боши билан дарвозага жойлаб қўя олмади. Уни ёлғиз қолдиришганди.

• 33'

  Ўруновнинг узатмасидан сўнг Ларссон ҳужумни кўнгилдагидек ривожлантира олмади.

• 32'

  Олис масофадан берилган яна бир зарбани Максименко қайтарди.

• 32'
  

  Максименко кетма-кет икки маротаба жамоасини қутқарди.

• 30'

  Малкомнинг узатмаси ноаниқ кетди. "Зенит" "Спартак"ни қамаб қўйди.

• 28'

  Оздоевнинг жарима майдони ташқарисидан берган зарбаси ноаниқ кетди.

• 27'

  Бакаев яхши имкониятдан фойдалана олмади. Понсега узатиш вариянти ҳам бор эди.

• 24'

  Айртоннинг ўтиб кетишига Ловрен йўл қўймади. Яхши қарши ҳужум бўлиб ўтганди.

• 20'

  "Зенит" штурм уюштирмоқда.

• 17'

  "Спартак"ка қарши ҳужумга ўтиб кетиш имкони берилмаяпти. Петербургликлар яхши ҳаракат қилмоқда.

• 15'

  "Зенит" ташаббусни аста-секин қўлга киритмоқда.

• 13'

  Ўрунов жарима майдони ичида йиқилди. Аммо ҳакам ҳеч қандай пенальти йўқлигини кўрсатди.

• 10'

  Малком ҳужумда фол ишлатди.

• 8'

  Ўрунов узатиб берган тўпни Зобнин ноаниқ тарзда дарвозага йўллади. Аниқроғи, узатма зарбага айланиб кетди.

• 6'

  Ўрунов марказда фаол ҳаракат қилмоқда.

• 5'

  Бакаев иккала қанотда ҳам фаол. Унинг узатмалари ҳозирча ҳимоячилар томонидан қайтарилди.

• 4'

  Бакаевнинг узатмаси ҳеч кимга насиб этмади. 

• 3'

  "Зенит" "Спартак" қарши ҳужумини фол орқали тўхтатди.

• 2'

  Мастовойнинг бош билан берган зарбасини Максименко ушлаб олди.

• 1'

  Дастлабки жарима майдонига узатмани ҳимоячилар қайтарди. "Зенит" дастлабки сонияларданоқ ҳужумга ташланди.

• 1'
  

  Ўйин бошланди.

• 0'

  Трибуналарда мухлислар ажойиб муҳит ҳосил қилишган.

• 0'

  Жамоалар майдонга тушиб келмоқда.

• 0'

  Ассалому алайкум, азиз футбол ихлосмандлари. Москва дербиси бошланмоқда. Ҳамюртимиз Остон Ўрунов асосий таркибда ўйинни бошлайди. Ушбу беллашув матнли трансляциясини Абдулвосид Валихонов олиб боради.