"Спартак" жаримага тортилиши мумкин

"Спартак" клуби Россия футбол иттифоқи томонидан қабул қилинган қоидаларни бузганлиги учун жаримага тортилиши мумкин. Бу ҳақида "Championat.com" нашри хабар бермоқда.

Гап шундаки, "Откритие Арена"да "Зенит"ни қабул қилган москваликлар рухсат берилганидан кўпроқ мухлисларни стадионга киритган. Россия Премьер-лигаси расмий сайтининг маълум қилишича, ўша куни 17150 киши ўйинни майдоннинг ўзидан кузатган.

Москва мэри 2020 йил 1 августидан бошлаб, Премьер-лига ўйинларига стадион сиғимининг 50% миқдоригача томошабинлар киритилиши ҳақида фармон чиқарган эди. Бироқ ижтимоий масофа сақлаш қоидаларини ҳисобга олган ҳолда, бу миқдор 1,5 баробаргача қисқартирилган.