"Spartak" Ostonning narxini ma’lum qildi. Agar u belgilangan narxga sotilsa, O‘zbekiston tarixidagi eng qimmat futbolchiga aylanadi

"Spartak" klubi shu yoz “Ufa”dan xarid qilgan yarim himoyachi Oston O‘runovni sotmoqchi emas.

Jurnalist Vyacheslav Korotkinning ma’lum qilishicha, moskvaliklar 19 yoshli o‘zbekistonlik futbolchining transferini 15 million evroga baholamoqda. Avvalroq, “Gerta” O‘runov uchun 5 mln evro to‘lashga tayyor ekani haqida xabarlar tarqalgan edi.

“Spartak” Ostonni yana bir necha mavsum o‘zida saqlab qolishni maqsad qilgani aytilmoqda.