"Спартак" швейцариялик футболчини кўз остига олиб қўйди

Москванинг "Спартак" клуби "Санкт-Галлен" ўнг қанот ҳимоячиси Сильван Хефтини ўз сафига қўшиб олмоқчи. Бу ҳақда журналист Вячеслав Короткин хабар бермоқда.

Юқоридаги манбага кўра, рус гранди 22 ёшли швейцариялик футболчини жорий ёзги трансферлар давридаёқ сотиб олмоқчи. Аммо у “Спартак”нинг асосий трансфер мақсади ҳисобланмайди.

Хефти "Санкт-Галлен" тарбияланувчиси ҳисобланади. У ўтган мавсум 35 та ўйинда майдонга тушди ва 3 та гол ҳамда 7 та голли узатмага муаллифлик қилди.