"Spetsiya" ustozi Shomurodovni maqtadi

Bugun A Seriya  21-turi doirasida "Spetsiya" o‘z maydonida "Napoli"ni qabul qiladi.

Yaqindagina spetsiyaliklar safiga qo‘chib o‘tgan legionerimiz Eldor Shomurodov mazkur bellashuvda debyut qilishi mumkin. U neapolliklarga qarshi o‘yin uchun qaydnomadan joy olgan. 

"Spetsiya" ustozi Luka Gotti bellashuv oldidan hamyurtimiz haqida o‘z fikrlari bilan o‘rtoqlashdi. 

"Eldor yaxshi holatda va avvalo o‘ziga bo‘lgan ishonchi yuqori. U doim tabassum qilib yuradi va bu erda ekanligidan xursand. Shomurodov bizga yordam berishni istaydi. Mazkur holat bizga ajoyib tuyg‘ularni taqdim etmoqda", - dedi Luka.