![](https://static.sports.uz/crop/a4ef67351044ca8ead238370a01e4e3a.jpg)
Спорт курашлари. Улуғбек Рашидов — икки карра Осиё чемпиони!
Иорданияда спорт курашлари бўйича ўтаётган Осиё чемпионатида U17 ёш тоифасидаги баҳслар ўз якунига етди. Ўзбекистон Миллий Олимпия қўмитаси матбуот хизмати тарқатган хабарга кўра, шу куни терма жамоамиз ҳисобига 1 та олтин ва 1 та кумуш медаль қўшиб қўйилди.
Жумладан, маҳоратли эркин курашчимиз Улуғбек Рашидов -48 кг вазн тоифасида олтин медални қўлга киритиб, икки карра қитъа чемпионлигига эришди. Шунингдек, Жўрабек Раҳмонов -45 кг вазнда кумуш медаль билан тақдирланди.
Олтин медаль:
-48 кг: Улуғбек Рашидов
Кумуш медаль:
-45 кг: Жўрабек Раҳмонов
Шу тариқа, ёш эркин курашчиларимиз мусобақани 1 та олтин, 2 та кумуш ва 1 та бронза медаллари билан якунлашди. Бугун мусобақада дам олиш куни. Эртадан U23 ёш тоифасидаги баҳслар бошланади.
Фикрлар