Спортчиларимиз Манамада ўтадиган жаҳон кубоги босқичида қатнашмоқда

Қиличбозларимиз Баҳрайн пойтахти Манама шаҳрида шпага йўналиши бўйича ёшлар ўртасидаги Жаҳон кубоги босқичида иштирок этмоқда.

19 февралгача давом этадиган мазкур турнирда қатнашадиган ўзбекистонлик қиличбозлар Манамада бўлиб турибди.

Мусобақада қуйидаги 10 нафар ҳамюртимиз медаллар учун кураш олиб боради, деб хабар тарқатди olympic.uz сайти.

Манбага кўра, эркаклар ўртасидаги беллашувларда Саидбилол Алимов, Вадим Багаутдинов, Аҳмаджон Файзиев, Асилбек Ибодуллаев, Мейирхан Тимуров, Искандар Туришев, Озодбек Зайнобиддинов қатнашмоқда.

Қизлар мусобақасида Азиза Ҳамидова, Дилназ Мурзатаева, Санам Назарова ғолиблик учун куч синашяпти.