Stanoevich bilan Kaluderovich Serbiyaga ketdi
FIFA kunlari munosabati bilan milliy terma jamoamiz navbatdagi o‘quv-mashg‘ulot yig‘inlariga kirishgani uchun Superligamizda tanaffus yuzaga kelganini bilasiz.
Turnir jadvalida 4-o‘rinda borayotgan “Nasaf” klubi 2 oktyabr kuni Muborakda “Mash’al”ga qarshi o‘yindan keyin ta’tilga chiqqani haqida xabar bergandik. Ma’lum bo‘lishicha, klubning serbiyalik ikki nafar legioneri – Marko Stanoevich va Andriya Kaluderovich tanaffusdan unumli foydalanish maqsadida vataniga borib kelish uchun klubdan ruxsat olishgan. Natijada “Mash’al”ga qarshi uchrashuvdan keyin ular Serbiyaga jo‘nab ketishgan.
Ma’lumot uchun, Stanoevich, Superliga bahslarida “Nasaf” safida hozirgacha 19 ta o‘yinda 6 ta golga mualliflik qildi. Kaluderovich esa 8 ta uchrashuvda maydonga tushdi, biroq hali hisobiga gol yozib qo‘ygani yo‘q. Ammo u O‘zbekiston Kubogi va OFK Kubogida gol urib kelmoqda.
“Nasaf” jamoasi 7 oktyabr kuni mashg‘ulotlarga kirishadi. Serbiyalik legionerlarning o‘sha kuni Qarshiga etib kelishi kutilmoqda.
Fikrlar