Стерлинг ўзини Лондон клубига таклиф қилди

"Челси"ни тарк этиши аниқ бўлган Раҳим Стерлинг ўзига янги клуб изламоқда. Футболчи Европада қолишни истаса, тезроқ бу муаммога ечим топиши керак бўлади. Сабаби, трансферлар ойнаси ёпилишига оз қолди. 

Фабрицио Романо хабар беришича, англиялик вингер ўзини "Арсенал"га таклиф қилди. Аммо ҳали томонлар келишиб олгани йўқ ва бу трансфер амалга ошишга яқин эмас. Лондон клуби раҳбарияти эса ўзаро муҳокамадан кейин футболчига жавобини айтади. 

Стерлинг жуда қийин вазиятда қолиб кетди. "Челси" уни ўз таркибида кўришни истамаяпти. Энцо Мареска ҳам буни яшириб ўтиргани йўқ. У 30 ёшли инглиз билан гаплашиб, унга жамоада жой йўқлигини айтган.