Стешевич ва унинг ёрдамчиси "Металлург" футболчилари билан қандай хайрлашди?

Кеча расман "Металлург" бош мураббийлигидан кетган черногориялик Веско Стешевич ва унинг ёрдамчиси жамоанинг кечки машғулотида жамоа аъзолари билан хайрлашди.

"Жамоамизнинг кечки машғулотлари бошланишидан олдин “Металлург” марказий стадионига жамоанинг эндиликдаги собиқ бош мураббийи Веско Стешевич ҳамда унинг ёрдамчиси Ненад Вукчевич ташриф буюрди ва клуб аъзолари билан самимий хайрлашди. Икки йиллик самарали меҳнат учун Веско футболчиларга, мураббийлар штаби ҳамда клуб маъмуриятига миннатдорлик билдирди ва жамоага келгуси фаолиятида омад ёр бўлишини тилади.

Ўз навбатида клуб аъзолари ҳам Веско Стешевич ҳамда Ненад Вукчевичга Бекободдаги унутилмас кунлар, яхши хотиралар учун ташаккур изҳор этишди. Уларнинг келгуси фаолиятига муваффақият ва зафар тилашди", - деб ёзади клуб матбуот хизмати.