"Странджа", Финал: Иқболжон Холдоров иштирокидаги жанг якунланди

"Странджа" турнирининг финал баҳслари жуда қизиқарли тарзда кечмоқда. Навбат -71 кг вазн тоифасига ҳам етиб келди. Бу вазн тоифасида Иқболжон Ҳолдоров финалга қадар йўлни ажойиб тарзда босиб ўтди ва у ҳал қилувчи жангда жазоирлик Моҳамед Маҳелоуфга қарши баҳс юритди. 

Албатта, ушбу қарама-қаршилик жуда кескин тарзда кечди. Жазоирлик боксчи жиддий қаршилик кўрсатди. Бироқ, юртдошимиз ўзининг аниқ ҳаракатлари билан жанг тақдирини ҳал қилди. Якунда, ҳакамлар 5:0 ҳисобида Иқболжон Холдоровнинг ғалабасини қайд этишди. Холдоров "Странджа" турнири чемпиони!