Супер юлдуздан пиёнистагача! Ўз «иблиси» билан узоқ курашган Адриано ҳикояси!

Адриано оёғига болта урганлардан бири саналади, аммо у ўз ҳаётини изга солиш учун ҳаракатни бошлаб юборди. Хўш, янги аср бошида сайёрамизнинг энг кучли ҳужумчиси, деб эътироф этилган Адриано ҳозир қаерда ва нималар билан банд?

erkogoergerjoge

Адриано Лейте Риберо 17 ёшидаёқ кўплаб грандларнинг «оромини ўғрилади». Ёшлар ўртасидаги ЖЧ ғолибига айланган футболчи учун курашда «Интер» ғолиб чиқди. «Кўк-қора»лар бразилиялик тинейжер учун 1999 йилда 13 миллион евродан воз кечди. Нима учундир Адриано «Интер»да бир уринишда асосий таркибга суқилиб киргани йўқ. Уни аввалига «Фиорентина»га ижарага бериб юборишган бўлса, кейинроқ «Парма»га трансфер қилинди. «А серия»даги ўйинлари билан мухлислар орасида «император», деб ном олган йигит 2004 йилда «Интер»га қайтди. «Нерадзурилар» бу сафар ҳужумчи учун 23 миллион евродан воз кечди. Иккинчи бор гранд клубга қайтгач, Адриано ўзининг энг кучли спорт формасига кириб олди.

Айнан «Интер»га ўтган йили унинг фаолиятида улкан бурилиш юз берди. У терма жамоа билан «Копа Америка»да зафар қучди, бироқ ҳаётидаги энг катта жудоликка учради. «Император» мусобақа тўпурарига айланди ва жамоаси билан олтин медалларга эга чиқди. Шунга қарамай, ҳужумчининг хаёли шифохонада ётган отаси ҳақида эди. У финал ўйинидан 6 кун ўтиб, отасидан айрилганидан хабар топди. Бу кучли руҳий зарба бўлди.

erogerjgijerigje

22 ёшли йигитча 45 ёшида оламдан ўтган дадасини оғир кунларида ёнида бўла олмади. Аввалига терма жамоа, кейин клубдаги вазифалари сабабли, отасини сўнгги йўлга кузатиб қўйгани йўқ. Унинг ўша даврдаги оғир аҳволи ҳақида Хавьер Занетти қуйидагича хотирлайди.

«Адриано биз билан меҳмонхонада ўтирган эди. Бир пайт унга қўнғироқ бўлди. У ким биландир сўзлашди ва бақириб йиғлаб юборди. Дарров уни овутдик. У ерга ётиб олиб ёш боладек йиғлар, ҳеч ким тинчлантира олмай қолди. Ўша куни Иван Кордоба у билан бирга ухлади. Эртаси куни барчамиз кўнглини кўтаришга уриндик. Афсуски, у чуқур тушкунликка тушиб қолди. Уни ҳеч нарсани бу дарддан фориғ қилгани йўқ.»

«Янги Роналдо» бўлиши тахмин қилинган йигит яна футболга қайтди, лекин сира ўзига ўхшамай қолган эди. Клуб руҳшунослар ёллади, жамоадошлар қўллаб-қувватлади, бироқ Адриано депрессиядан чиқиб кета олмади. У фақат алкогол ичимликлар билангина дардларини бироз енгил тортаётганини ҳис этди. Шу тариқа, ичкиликка ружу қўйди.

ekgorgkoerogerh

«Мен оғир кунларни бошдан ўтказганим боис, фақат ичлик таъсирида ўзимни бахтли ҳис қила бошладим. Натижада, қўлимга тушган барча ичкилик билан ўзимни овутдим. Тунлари барлардан бўлиб, ухламасдан клуб машғулотларига етиб келар эдим. Йигитлар мени базанинг бир бурчагига беркитиб қўйишар, ўша ерда ухлаб олар эдим. Журналистлардан саволлар келса, менда жароҳат борлигини баҳона қила бошлашди.»

Қора кунларнинг бошланиши…

«Интер» Адрианодаги иқтидорни сақлаб қолиш мақсадида қўлидан келган барча ишни қилди, аммо ҳеч бири наф бергани йўқ. 2009 йилда жамоа бразилиялик форвард билан ўртадаги шартномани бекор қилди. Европанинг бирорта клубидан таклиф тушмагач, Риберо ватанига йўл олди.

 «Фламенго» уни қучоқ очиб кутиб олди. «Император» ватанида бир мавсум давомида ишончли ҳаракат қилди. 31 ўйин 19 гол. Кейин «Рома» унга иккинчи имконият тақдим этиш учун Римга чорлади. Афсуски, Европага Лейте 10 кг ортиқча вазн билан келди. Кейинроқ «Коринтианс», «Фламенго», «Атлетико Паранаэнсе» жамоаларида ҳам омадсизликка учради.

2016 йилда қаҳрамонимиз Американинг 4-дивизиони вакили – «Майами Юнайтед»нинг ўйновчи эгасига айланди. АҚШдаги ёрқин ҳаёт сабабли, футбол умуман иккинчи планга тушиб қолди. Учрашувларнинг бирида маст ҳолда майдонга тушган Риберо оёғидан жароҳат олди ва бутсаларини михга илиб юборди. Шу тариқа, унинг футболдан кетганини ҳеч ким сезмай қолди.

Риога қайтгач, у ўз ҳаёт тарзини ўзгартиргани йўқ. Турли хил қизлар, тунги базмлар ва алкогол. Шу тариқа, 6 ой давомида бир неча юз минг еврони сарфлаган собиқ футболчи жуда мураккаб аҳволга тушиб қолди. Пуллари тугагач, пойтахтдаги хароба уйлардан бирига кўчиб ўтишга мажбур бўлди.

jergjierjigerg

«Komando Vermelxo» уйишган жиноий гуруҳи томонидан назоратга олинган туманда футболчи тезда таниқли бўлиб кетди. Банда етакчилари у билан футбол ҳақида сўзлашар, турли-туман совғалар улашар эди. Тез орада, Адриано ҳам улардан бирига айланиб кетди. «Инстаграм» саҳифасида жиноятчилар билан қурол кўтариб тушган суратлари пайдо бўла бошлади. Маҳаллий полиция эса, собиқ футболчига тегишли автомашинада наркотик модда сотувчи курьерлардан бирини қўлга туширди. Суд жараёни узоқ давом этган бўлса-да, далиллар камлиги учун Адриано «сувдан қуруқ» чиқди.

Воқеалар омма юзини кўргач, Риберо дарров ўзини қўлга олди. Унинг иродасига қойил қолмасликнинг имкони йўқ. Қандайдир 6 ой ичида қаҳрамонимиз ўз ижтимоий тармоқлардаги суратларини тартиб келтирди. Наркотик бизнесига алоқадор шаҳарчани тарк этди. «ADIDAS» компаниясининг Бразилиядаги юзига айланди. Оиласи ва болалари билан алоқаларни тиклади.

rkohorthoijrtojhrth

Ундаги ижобий ўзгартишлар сабабли, халқ эътибор марказига тушди. Қаҳрамонимиз ҳозирда турли хайрия фондлари ва тадбирларда фаол иштирок этмоқда. Эътиборлиси шундаки, ундаги ўзгаришлар кўплаб мутахассислар эътиборига тушди. Ичкиликка қарши кураш кенг олиб борилаётган Бразилия халқи учун Адриано 21 аср қаҳрамонига айланди. У телевизион шоуларда тез-тез меҳмон бўлишни бошлади. Сўнгги йилларда жанжалкаш, пиёниста ва омадсиз йигит қисқа фурсат ичида миллионлар учун ўрнакка айланди.

Яқинда Адриано Рионинг марказидаги уйини 1,2 миллион фунт эвазига сотиб юборди. Кейин оиласи билан 5 юлдузли меҳмонхоналардан бирига жойлашди. Унинг бу қарорини ҳамма ҳар хил тушунди. Қизиқувчан «International Football» нашри журналистлари ўтказган суриштирув ишларидан сўнг, барчаси маълум бўлди. Қаҳрамонимиз ўз ҳаёт тарзини тўлиқ ўзгартириш мақсадида, Бразилия пойтахтидаги уйини 2 баробар арзон нархга сотиб юборган. Ҳозирда у ўзи учун кичик ҳажмдаги шаҳар ташқарисидан уй изламоқда. Лейте Риберо эски дўстларидан қутилиш учун шундай йўл тутишга қаро қилган экан.

Тан олиш лозим, Адриано издан чиққан ҳаётини ижобий томонга буриб юбора олди. Тўғри, у супер юлдуз бўла олмади, бироқ ҳаётдаги ўрнини йўқотиб қўймади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар