Суперҳужумчига етти йиллик шартнома ва даҳшатли маош!

Caught Offside нашрининг маълум қилишича,  “Челси” раҳбарияти “Наполи” тўпурари Виктор Осимхенга шартнома тайёрлаб қўйди.

Манбага кўра, “аристократлар” нигериялик форвардга етти йиллик шартнома ва катта маош таклиф қилмоқчи. Клуб шу йўл билан 23 ёшли тўпурарни Лондонга кўчиб ўтишга кўндирмоқчи.

Бундан ташқари, Виктор Осимхен ўзининг кумири ҳисобланган Дидье Дрогба юлдузли даврини айнан “Челси”да ўтказгани ҳам унинг танловига таъсир ўтказиши мумкинлиги таъкидланди.

Виктор Осимхен ўтган мавсумда сермаҳсул ўйин намойиш қилиб, “Наполи”нинг узоқ танаффусдан кейин скудеттони қўлга киритишига катта ҳисса қўшган эди. Жорий мавсумда жамоанинг ҳам, ҳужумчининг ҳам кўрсаткичлари юқори даражада эмас.

Шу боис, трансфер бўйича экспертлар Виктор Осимхен муҳитни ўзгартириши, “Наполи” эса, асосий тўпурари трансферидан мўмай даромад ишлаб олишга ҳаракат қилиши мумкинлигини таъкидламоқда.