Суперклуб 45 та гол ва 65 та ассист қайд этган 13 ёшли футболчига катта сумма сарфлади

“Челси” скаутлари клубга келажаги порлоқ баҳоланаётган янги ўйинчи топиб берди. Жанубий африкалик 13 ёшли Камден Шапер “Блэкберн” жамоаси тизимида тарбияланаётган эди.

Бу жамоа сафида 14 ёшгача бўлган футболчилар биринчилигида 45 та гол уриб, 65 та ассист қайд этган Шапернинг самарадорлиги катта клублар эътиборидан чутда қолмади.

Шаперни олиш учун “Челси” ва “Манчестер Сити” талашди. “Аристократлар” 13 ёшли болакай учун мисли кўрилмаган сумма – 750 минг фунт стерлинг тўлади.

Шу тариқа, Камден Шапер ўз тенгқурлари орасида дунёнинг энг қимматбаҳо футболчисига айланди. Энди у футбол сир-асрорларини ўрганишни “Челси” академиясидаги устозлар қўл остида давом эттиради.