Суперклуб энг зўр футболчи учун 100 миллион евро тўлайдиган бўлди, лекин...

Бундеслиганинг янги чемпиони “Бавария” ўтган йили чемпионат ғолиби “Байер”нинг асосий юлдузини Мюнхенга кўчиб ўтишга кўндирди.

Bild нашрининг маълум қилишича, Флориан Вирц Европанинг бир неча гранд клубларидан таклиф олган бўлса-да, фаолиятини Бундеслиганинг энг қудрали жамоасида давом эттиришни маъқул топган.

Ҳозир энг катта масала икки клуб ўртасидаги келишув бўлиб турибди. 22 ёшли футболчи агар томонлар унинг трансфери бўйича бу ёз бир тўхтамга кела олмаса, Вирц яна бир йил Леверкузенда қолишга тайёр.

Вирцнинг амалдаги шартномаси 2027 йилнинг ёзигача тузилган. 2026 йили бу келишув тугашига бир йил қолган бўлади. Бу ҳолатда “Байер” ўйинчини бир мавсумдан кейин текинга қўлдан чиқармаслик учун сотиб юборишига тўғри келади.

“Бавария” бу ёз Вирц учун 100 миллион евро тўламоқчи. Бироқ плеймейкернинг трансфер бозордаги нархи 140 миллион евродан кам эмас.