Superklub Ronaldu transferi bo‘yicha ish boshladi

“Manchester Yunayted” hujumchisi Krishtianu Ronaldu jamoasi mavsus yakunlariga ko‘ra, Chempionlar ligasiga chiqa olmasa, klubni tark etishi haqida ma’lum qilganidan keyin superto‘purarni o‘z safiga qo‘shib olmoqchi bo‘lganlar soni oshib bormoqda.

Avvalroq, “Manchester Siti”, “Chelsi” va “Nyukasl” portugaliyalik hujumchiga xaridor bo‘layotgani aytilgandi. Endi PSJ Ronalduni olish uchun  amaliy harakatlarni boshladi.

Ma’lumotlarga qaraganda, PSJ mutasaddilari Ronalduning agenti Jorje Mendesh bilan aloqaga chiqib, transfer haqida surishtirgan. Parijliklar yozda jamoadan ketadigan Kilian Mbappening o‘rnida Ronalduni o‘ynatmoqchi.

Qolaversa, bu transfer amalga oshsa, PSJ hujumida vujudga keladigan Ronaldu va Messi tandemi jahon futboli muxlislari e’tiborini bu klubga tortadi.