Суперклубга айланаётган “Милан” футболчисини қўйиб юборди

Италиянинг “Милан” жамоаси ярим ҳимоячиси Андреа Бертолаччи келгуси мавсумни ижара асосида “Женоа” сафида ўтказади.

2012-2015 йилларда “Рома” сафида тўп сурган футболчини генуяликлар бир мавсумга ижарага олишди.

Унинг агенти аввалроқ, Бертолаччи “Милан”да қолиши ва ўзининг нималарга қодирлигини кўрсатиши ҳақида айтиб ўтган эди.

Маълумот учун, Бертолаччи якунланган мавсумда Италия чемпионатида 15 та ўйинда майдонга тушди.