Суперкомпьютер жамоаларнинг "ЖЧ-2026" ярим финалига чиқиш имкониятларини баҳолади

Статистик таҳлиллар билан шуғулланувчи Opta Analyst портали жаҳон чемпионати — 2026 мусобақасининг чорак финал баҳсларига оид эҳтимолий натижаларни эълон қилди. Портал мутахассислари суперкомпьютер ёрдамида тўпланган кўплаб рақамли маълумотларни таҳлил қилиб, ҳар бир жуфтликдаги асосий фаворитларни аниқлаган.

Ҳисоб-китобларга кўра, ярим финалга чиқиш учун энг катта имконият Франция терма жамоасига тегишли — уларнинг кейинги босқичга йўл олиши 74 фоизга баҳоланган. Энг кескин ва натижаси олдиндан айтиб бўлмайдиган тўқнашув сифатида эса Англия ва Норвегия терма жамоалари ўртасидаги ўйин қайд этилмоқда.

Франция (74%) — Марокко (26%);
Испания (70%) — Бельгия (30%);
Аргентина (69%) — Швейцария (31%);
Англия (62%) — Норвегия (38%).

 

Эслатиб ўтамиз, жаҳон чемпионати — 2026 мусобақаси 11 июндан 19 июлга қадар АҚШ, Мексика ва Канада ҳудудларида ўтказилади. Ҳозирги амалдаги жаҳон чемпиони мақоми Аргентина терма жамоасига тегишли.