Суперлига. 20-турда жамоаларнинг имкониятлари қандай?

20-21-22 сентябрь кунлари Суперлиганинг 20-тур ўйинлари бўлиб ўтади. Ушбу турда ҳам қизиқарли учрашувлар бизни кутиб турибди. Чемпионни аниқлаб олишимиз мумкин, қуйи лигага тушиб кетмаслик учун курашлар қизғин паллага келган. Ҳуллас мавсумнинг энг қизиқарли онларига келиб улгурдик. 20-тур беллашувларида жамоаларнинг имкониятларини тўҳталиб ўтамиз.

"Динамо" - "Андижон"
Курашларга бой ва қизғин тарзда кечадиган учрашув бўлса керак. Иккала жамоа ҳам айни дамда ғалабага чанқоқ ҳолатда. 19-турда "Динамо" меҳмонда АГМКга 3:1 ҳисобида ютқазиб қўйганди.

"Андижон" ҳам сафарда "Сўғдиёна"га қарши баҳс олиб борди ва нурсиз 0:0 ҳисобида дуранг ўйнади.

Қайси жамоа ғалаба қозонишинин олдиндан билиш қийин, аммо самарқандликлар ўз уйларида бўлганлари учун кичик устунликга эгалар.

Имкониятлар: 55% - 45%.

"Қўқон-1912" - "Локомотив"

Ушбу турдан сўнг "Пахтакор"нинг чемпион бўлиш эҳтимоли мана шу учрашувга ҳам боғлиқ. Сўнгги учрашувларда ғалабаларни қўлга кирита олаётган қўқонликлар "Локо"ни мағлуб эта олсалар ёки дуранг ўйнашса ҳам "Пахтакор" расман чемпионликни тантана қилади. "Темирйўчилар" таркиб жиҳатдан катта устунликга эга бўлсаларда натижалари кўнгилдагидек кечмаяпти. Кўрамиз "Қўқон-1912"нинг ғалабали юриши давом этадими?

Имкониятлар: 45% - 55%.

"Сурхон" - АГМК

Яна бир қизиқарли ва қийин учрашув. "Сурхон" юқори ўринлар учун курашаётган жамоа. Олмалиқ клуби эса жанговар таркибга эга. "Сурхон" клубини "Қўқон-1912"га ютқазиб қўйганини ҳисобга олмаса, сўнгги ўйинларни юқори темпда ўтқазиб келишмоқда. Бугунги баҳсда ҳам имкониятлари нисбатан юқорироқ бўлса керак. Аммо АГМК ҳам осон рақиб эмас.

Имкониятлар: 60% - 40%.

"Металлург" - "Пахтакор"

Жепаров, Андреев, Лобанов, Музаффаров каби яна бир қатор тажрибали футболчиларга эга бўлган бекободликлар ўз уйларида "Пахтакор" чемпионликни нишонлашига тўсқинлик қила олишармикан? Зеро, Тошкент клуби мавсумда бирорта ҳам учрашувда имкониятни бой беришмади. Барибир "шерлар"нинг ғалабасини олдиндан таҳмин қилиш қийин бўлмай қолди.

Имкониятлар: 35% - 65%.

"Сўғдиёна" - "Навбаҳор"

Жиззахда турнинг марказий ўйинларидан бири кутмоқда. Сабаби, "Сўғдиёна" тартибли ва чиройли футбол кўрсатмоқда. "Навбаҳор" жамоаси эса ўз олдига жиддий масқадларни қўйган ва клуб бош рулига Канчельскис қайтиб келган. Шиддатли ва курашларга бой тарзда кечадиган учрашувда кимни қўли баланд келишини эртанги ўйиндан сўнг билиб оламиз.

Имкониятлар: 50% - 50%.

"Бунёдкор" - "Қизилқум"

Вадим Абрамов шогирдлари иккинчи ўрин учун жиддий кураш олиб бормоқда. Аммо ўтган турда "Қўқон-1912" жамоасига кутилмаганда йирик ҳисобда ютқазиб қўйди. Бу сафар Зарафшоннинг "Қизилқум" клуби тошкентликларга рақиблик қилади. "Қалдирғочлар" ўз уйларида унча-мунча жамоага имконият қолдиришмайди. Бироқ, "Қизилқум" қуйи лигага тушиб кетмаслик учун бор кучини майдонга ташлаши кутилмоқда.

Имкониятлар: 65% - 35%.

"Насаф" - "Бухоро"

Юқори ўринлар учун кураш олиб бораётган "Насаф" клуби ўз уйида турнир жадвалининг энг пастги поғонасидан жой олиб турган "Бухоро"ни қабул қилади. Қашқадарёда кечадиган ҳар қандай учрашув доим қизиқ кечган. Мухлислар яхши муҳитни ярата олишади. БУ мавсум Суперлигада яққол "аутсайдер" бўлган клубнинг ўзи йўқ. Сўнгги турларда, Суперлигада жон сақлаб қолиш учун кураш жиддий, кескин ва қизиқарли кечиши аниқ. "Бухоро" сўнгги ўринда турганлигни инобатга олиб, ушбу беллашувнинг аҳамияти қанчалик муҳим эканлигини ҳам билиб олишимиз мумкин.

Имкониятлар: 60% - 40%.