Суперлига. "Металлург" - "Сўғдиёна": Ўзаро ўйинларда устунлик қайси жамоа томонда?

Суперлиганинг 18-турида Бекободнинг "Металлург" ҳамда Жиззахнинг "Сўғдиёна" жамоалари куч синашади.

“Металлург” ва “Сўғдиёна”жамоалари бугунгача кучлилар сафида ўзаро 43 та ўйин ўтказган: 18 та учрашувда жиззахликлар, 16 тасида бекободликлар зафар қучган. 9 та учрашувда эса дуранг натижа қайд этилган. Киритилган ва ўтказиб юборилган тўплар фарқи – 60:55, “Сўғдиёна” фойдасига.

Мазкур жамоалар ўртасида қайд этилган энг йирик ҳисоб – 4:0. “Сўғдиёна” 2001 йилда ўз майдонида ҳам, сафарда ҳам бир мартадан шундай ҳисобда зафар қучган. Энг голларга бой ўйин 2014 йили Зоминда кузатилган. Унда дарвозаларга тўққизта тўп киритилган – 5:4.

Ушбу жамоаларнинг Бекободда ўтказилган ўйинлар нисбати “Металлург” фойдасига: 13 ғалаба, 3 дуранг, 5 мағлубият, тўплар фарқи – 31:21.

Бекободдаги сўнгги бешта учрашувда қайд этилган натижалар:

18.09.2022 "Металлург" - "Сўғдиёна" 2:1
05.05.2021 "Металлург" - "Сўғдиёна" 0:2
12.07.2020 "Металлур" - "Сўғдиёна" 2:0
18.10.2019 "Металлург" - "Сўғдиёна" 0:1
21.04.2018 "Металлург" - "Сўғдиёна" 2:0