Суперлига. "Насаф" - "Металлург": Матнли трансляция

Ассалому алайкум, қадрли футбол ишқибозлари! Ўзбекистон Суперлигаси 2-туридан ўрин олган "Насаф" - "Металлург" учрашуви бўлиб ўтмоқда. Мазкур ўйиндан матнли трансляцияни сайтимиз орқали кузатиб боринг.

• 90+7'
  

  Учрашув якунига етди. Якуний ҳисоб 1:1.

• 90+3 '

  Баҳс кескин курашлар остида давом этмоқда.

• 90'

  Учрашувга 7 дақиқа вақт қўшиб берилди.

• 89'

  "Металлург" вакили Аброр Тошқўзиев жарима зарбасидан сўнг кучли зарбаси билан мезбонлар дарвозасини ишғол қилди.

• 89'
  

  ГООООООООЛ! Учрашувда ҳисоб тенглашди. 

• 88'
  

  "Насаф" сафида ўзгариш. Абдураҳимов ва Норчаев ўрнига Давронов ҳамда Акрамов баҳсга қўшилди.

• 85'
  

  Фарход Бекмуродовга ҳам сариқ карточка кўрсатилди.

• 84'
  

  Аббос Отахонов ва Умарбек Эшмуродов огоҳлантирилди.

• 83'

  Учрашувда тартибсизлик юзага келмоқда. Футболчилар бир-бири билан тортишиб кетди. 

• 80'
  

  ГООООООООЛ! "Насаф" учрашувда ҳисобни очмоқда. Бурчакдан узатиб берилган пасдан сўнг Норчаев тўпни боши билан дарвозага жойлаб қўйди. 

• 78'
  

  Меҳмонлар сафида Иброҳим Ибрагимиов ўрнига Худойшукур Сатторов ўйинга қўшилди.

• 76'

  "Металлург" ўйинчилари ўз жарима майдони олдида ўйин қоидасини бузди. Мезбонлар фойдасига стандарт вазият белгиланди. 

• 73'

  Ҳозиргина ўйинга қўшилган Смайлагич деярли бирга-бир вазиятдан унумли фойдалана олмади.

• 70'
  

  "Аждарлар" таркибида ўзгариш амалга оширилмоқда. Марко Станоевич ўрнига Шароф Муҳитдинов ва Сухроб Нуруллоев ўрнига Семир Смайлагич майдонга тушди.

• 66'
  

  Бекободликлар сафида ўзгариш. Фозил Мусаев ўз ўрнини Жасур Холтўраевга бўшатиб берди.

• 64'

  Хакам вазият пенальтига тортмайди, деб ҳисоблади. 

• 63'

  Хакам ВАРга мурожаат қилмоқда. "Насаф" фойдасига пенальти белгиланиши мумкин.

• 61'

  Ойбек Бозоровнинг кучсиз зарбасидан сўнг тўп тўғри Лобановнинг қўлига бориб тушди.

• 59'

  Қаршиликлар рақиб жарима майдонида кучли прессинг уюштирмоқда.

• 57'

  Уххх! Ҳусайн Норчаев бўш қолган дарвозага гол ура олмади.

• 55'

  "Маъданчилар" чиройли ҳужум ташкил қилди. Лекин якунда Фозил Мусаевнинг зарбасига "Насаф" ҳимоячилари "блок" қўйди. 

• 53'

  Марко Станоевич хакам томонидан оғзаки огоҳлантирилди.

• 50'

  "Аждарлар" хавфли вазият юзага келтирди. Бироқ ушбу вазиятда ўйиндан ташқари ҳолат қайд этилди.

• 47'

  Мезбонлар аъзоси Ҳусниддин Алиқуловнинг бош билан берган зарбасига бироз аниқлик етишмади.

• 46'
  

  Меҳмонлар сафида Шоҳназар Норбеков ўрнига Дамир Темиров ўйинга қўшилди.

• 45'
  

  Иккинчи таймга старт берилди.

• 45+2'
  

  Биринчи тайм якунига етди. Ҳисоб 0:0.

• 45'

  Биринчи бўлимга 2 дақиқа вақт қўшиб берилди.

• 44'
  

  Ҳусайн Норчаевга кескин ҳаракати учун сариқ карточка кўрсатилди.

• 43'

  Майдон марказида "Аждарлар" вакили Ҳусайн Норчаевга нисбатан фол ишлатилди.

• 40'

  Рўзиқул Бердиев шогирдларининг позицион ҳужуми Суҳроб Нуруллоевнинг ноаниқ паси сабаб бесамар якунланди.

• 37'

  Ўринбоевнинг ажойиб рейдидан сўнг тепган тўпи бироз ноаниқ кетди.

• 36'

  Норбековнинг қанотдан йўллаган узатмаси майдон эгалари ҳимоячилари томонидан қайтариб қолинди.

• 34'

  "Металлург" ҳужумчиси Забиҳилло Ўринбоев тиббий хизматга муҳтож.

• 31'

  "Марказий" стадионида ажойиб атмосфера ҳукмронлик қилмоқда.

• 28'

  Ўйин асабий тарзда давом этмоқда. Учрашувда майда фоллар кўпайиб кетди.

• 26'

  Меҳмонлар аъзоси Шоҳназар Норбековга тиббий ёрдам кўрсатиляпти.

• 24'

  "Насаф" футболчисининг кучли зарбасидан сўнг Александр Лобанов ажойиб сейв амалга оширди.

• 21'

  Икки клуб ҳам бирин-кетин оддий хатоларга йўл қўймоқда.

• 19'

  Ҳозирча жамоалар хавфли вазият вужудга келтиргани йўқ. Иккала томон ҳам пайт пойлаяпти.

• 16'

  Майдон марказида қаршиликлар футболчисига нисбатан қўполлик ишлатилди.

• 14'

  Аста-секинлик билан ўйин ҳарорати ошиб бормоқда.

• 11'

  "Аждарлар" фойдасига жарима зарбаси белгиланди.

• 9'

  "Металлург" баҳсдаги биринчи аниқ зарбани йўллади. Бироқ мезбонлар посбони хотиржам тарзда тўпни эгаллаб олди.

• 6'

  "Насаф" тўп назоратига эгалик қиляпти.

• 3'

  Жамоалар бир-бирини ўрганишга эътибор қаратмоқда.

• 0'
  

  Ўйинга старт берилди. 

• 0'

  Жамоалар майдонга чиқиб келди. 

• 0'

   

  Ассалому алайкум, мухтарам футбол ихлосмандлари! Ўзбекистон Суперлигаси 2-туридан ўрин олган "Насаф" - "Металлург" учрашуви старт олмоқда. Мазкур ўйиндан матнли трансляцияни сайтимиз орқали кузатиб боринг.