Суперлига. "Насаф" - "Сурхон": Матнли трансляция

Ўзбекистон Суперлигаси 5-турнинг қолдирилган ўйинидан ўрин олган "Насаф" - "Сурхон" учрашуви бошланди. Қуйида ушбу ўйиндан матнли трансляция эътиборингизга ҳавола этилади.

• 90+7'
  

  Учрашув якунланди. "Насаф" - "Сурхон" - 2:0.

• 90+2'
  

  Бахтиёр Қосимов сариқ карточка олди.

• 90'
  

  Иккинчи таймга 7 дақиқа вақт қўшиб берилди.

• 84'
  

  Сурпхонликлар сафида ўзгаришлар амалга оширилди. Серхио Родригез ва Жаҳонгир Аҳмадов ўрнига Зоир Жўрабоев ҳамда Абдуғофур Ҳайдаров баҳсни давом эттиради.

   

• 83'
  

  Рўзиқул Бердиев Шароф Муҳитдиновни майдондан олиб, унинг ўрнига Баҳром Абдураҳимовни майдонга туширди.

• 80 '

  "Насаф" майдонда ўйинни назорат қилиб турибди. 

• 76'
  

  Меҳмонлар сафида ўзгариш. Улуғбек Абдуллаев ўз ўрнини Шарофиддин Собировга бўшатиб берди.

• 75'
  

  Серхио Родригез огоҳлантирилди.

• 73'
  

  Жаҳонгир Аҳмедовга сариқ карточка кўрсатилди.

• 72'
  

  Иван Соловёв ўрнига Суҳроб Нуруллоев майдонга тушди.

• 68'
  

  "Сурхон" бурчак зарбасига эга бўлди. 

• 66'

  Ўйин темпи бироз пасайди. 

• 62'
  

  Ҳакам узоқ иккиланишлардан сўнг пенальти йўқлигини кўрсатди. Учрашув давом этади.

• 59'
  

  Ҳакам ВАРга мурожаат этмоқда. "Насаф" фойдасига яна бир пенальти белгиланиши мумкин.

• 56'

  Икки жамоа футболчилари бир-бири билан келиша олмай қолди. Ҳакам уларни тартибга чақирди.

• 52'

  "Аждарлар" голдан сўнг ишончли ҳаракат қиляпти.

• 49'
  

  ГОООООООЛ! "Насаф" иккинси голни урмоқда. Гол муаллифи Иван Соловёв!

• 46'
  

  Иккинчи тайм бошланди.

• 45+2'
  

  Биринчи бўлим якунланди. Ҳозирча ҳисоб - 1:0 "Насаф" фойдасига.

• 45'
  

  Биринчи бўлимга 2 дақиқа вақт қўшиб берилди.

• 44'
  

  Ҳусаин Норчаев қўпол ҳаракат қилгани учун сариқ карточкага лойиқ кўрилди.

   

• 42'

  Ойбек Бозоровнинг зарбаси ҳимоячиларга тегиб, майдон ташқарисига чиқиб кетди.

• 40'

  Сурхонликлар қарши ҳужумдан хавфли ҳужум амалга оширди. Аммо якуний зарбани Акмал Мозговой бартараф этди.

• 38'

  Майдон марказида тўп учун жиддий кураш кечмоқда.

• 35'

  Норчаев узоқ масофадан зарба йўллади. Ноаниқ

• 33'

  Меҳмонлар голдан сўнг аста-секин ҳужумлар сонини кўпайтирмоқда.

• 29'
  

  ГОООООООООЛ! Ҳусаин Норчаев пенальтини аниқ амалга оширди - 1:0.

• 27'
  

  "Учар тулпорлар" мураббий ёрдамчисига қизил карточка кўрсатилди. 

• 25'
  

  ПЕНАЛЬТИ! "Сурхон" дарвозаси томон ҳакам пенальти белгилади. Меҳмонлар вакили Бахтиёр Қосимов тўпни қўли билан ўйнаган.

• 24'
  

  Мергановдан яна бир сейв. 

• 20'

  "Насаф" гол уриш учун турли йўллар изламоқда. Бироқ меҳмонлар ҳам ҳимояда муносиб ўйнамоқда.

• 17'

  Ҳозирча ўйин бироз сокин руҳда давом этмоқда.

• 14'
  

  Мергановдан яна бир супер сейв. У Бозоровнинг ажойиб зарбасини қўллари билан қайтариб юборди.

• 12'
  

  Норчаев дарвозабон билан деярли бирга-бир вазиятга чиқиб борди. Аммо унинг зарбаси "Сурхон" посбони Даврон Мерганов томонидан бартараф этилди.

• 11'

  Шарофнинг зарбаси "жонли девор"га тегиб қайтди.

• 10'

  "Аждарлар" жарима зарбаси тепади. Тўп олдида Шароф Муҳитдинов. 

• 7'

  "Насаф" бош мураббийи Рўзиқул Бердиев шогирдларини хотиржам бўлишга чақирмоқда.

• 5'

  Мезбонлар майдонда устунлик қилишга уринмоқда.

• 3'

  Жамоалар дастлабки дақиқаларда бир неча хатоларга йўл қўймоқда.

• 1'

  Мезбон "Насаф" жамоаси қора, меҳмон "Сурхон" клуби сариқ рангли либосда ҳаракат қилмоқда.

• 1'
  

  Учрашувга старт берилди.

• *'

  Жамоалар майдонга чиқиб келди. Бироздан сўнг ўйинга старт берилади.