Суперлига. "Нефтчи" - "Металлург" баҳси учун чипталар сотувда!

Хабарингиз бор, 15 март куни Суперлиганинг 3-тур доирасида  "Нефтчи" жамоаси Фарғона шаҳридаги биринчи учрашувини Бекободнинг "Металлург" клубига қарши ўтказади.

Қизиқарли ва шиддатли руҳда кечиши кутилаётган мазкур беллашувга чипталар сотилмоқда.  Фақат стадионнинг махсус кассаларида 20.000-30.000-40.000 сўмдан белгиланган нархларда сотилади. 

2-турдан сўнг фарғоналиклар 6 очко билан 2-ўринни эгаллаб турган бўлса (тўплар нисбатига кўра, "Қизилқум" олдинда),  "Металлург" 2 очко билан 8-поғонани банд қилиб турибди.

Эслатиб ўтамиз, "Нефтчи" - "Металлург" баҳси 18:30да старт олади.