Суперлига. "Қизилқум" - "Навбаҳор" ўйинида устунлик ким томонида?

Ўзбекистон Coca Cola Суперлигаси 6-туридан ўрин олган баҳсда “Навбаҳор” Навоийда “Қизилқум” клуби меҳмони бўлади.

Мазкур жамоаларнинг Суперлига (олий лига)даги ўзаро ўйинлари статистикасига назар ташлайдиган бўлсак, ушбу клублар 44 марта ўзаро рўбаро бўлган.

Ушбу баҳсларда “Навбаҳор” 17 марта, “Қизилқум”  эса 14 марта ғалаба қозонган, 13 та учрашувда эса дуранг қайд этилган.

Тўплар нисбати бўйича устунлик наманганликлар томонида -  56–46.

Ўзаро ўйинларда “Навбаҳор” 64, “Қизилқум” эса 55 очкони қўлга киритган. 

Наманганликларнинг навоийликлар устидан қозонган энг йирик ҳисобдаги ғалабаси – 4:0 бўлса, “Қизилқум”нинг бу борадаги натижаси 3:0 га тенг.

Эслатиб ўтамиз, “Қизилқум” – “Навбаҳор” жамоалари ўртасидаги учрашув 1 май куни Олмалиқдаги ОКМК спорт мажмуасида соат 18:30 да старт олади.

"Навбаҳор" матбуот хизмати.