Суперлигада навбатдаги истеъфо рўй бериши мумкин
Ads

"Бундай мағлубиятдан кейин нима дейиш ҳам мумкин – “Сен урмасанг, сенга уришади” дейишади. Имкониятлардан фойдаланишимиз шарт эди. Айниқса, биринчи бўлимда вазиятларни голга айлантиришимиз лозим эди. Ютса жамоа, ютқазса мураббий ютқазади. Ўйиндан кейин жамоа футболчилари билан гаплашиб олдик, натижага жавобгар шахс сифатида клуб раҳбарияти олдига истеъфога чиқиш ҳақидаги аризамни ёзиб қолдираман.

Афсуски, мураббий майдонга ўзи чиқиб, гол ура олмайди. Футболчилар берилган кўрсатмаларни бажаришлари лозим. Иккинчи даврада қора чизиқдан чиқиб кета олмаяпмиз, ҳар ўйинда қатор фойдаланмаётган вазиятлар бизни пастга тортмоқда. Йигитларни айблай олмайман, бундай кетма-кет мағлубиятлар учун кимдир жавобгарликни олиши керак ва мағлубият учун ҳамма айбни ўз бўйнимга оламан. Аммо, ишонаманки мураббийлар штаби ва жамоа ҳозирги вазиятдан чиқиб кета олади. Бошқа қўшимча қила олмайман, ўзим ҳам айни дамда жуда асабий ҳолатдаман. Мағлубият учун мухлислардан узр сўрайман. Менинг клубдаги тақдиримни энди клуб раҳбарияти ҳал этади.

Чинданам, Амиржон Сафаров 1-бўлимнинг ўзида 3-4 марта яккама-якка вазиятда чиқиб бориб, гол ура олмади. Аммо, эътибор беринг жамоада айнан унда мана шунақа голли вазиятлар бўлаяпти. Машғулотларда ишлаяпти, фойдаланади, аммо ўйинда омади юришмаяпти. Аммо, Сафаров майдондаги меҳнати билан асосий таркибда тўп суришга лойиқлигини кўрсатаяпти. Ишонаманки, Амиржоннинг омади юришиб кетса, унингдек ҳужумчини топиш қийин бўлади.

Қаерда хато қилдик? Вазиятларни урмагандан кейин, қарши ҳужумларни ўтказиб юбордик. Қандайдир 10 дақиқа ичида рақиблар бизни жазолашди. Натижа ўйинга умуман мос бўлмади, аммо нима ҳам қилардик, футболда бундай мағлубиятлар учраб туради. Жамоа оралиқдаги катта танаффусдан кейин ўзига келиши шарт. Фақатгина меҳнат ва кўпроқ ҳаракати билан жамоа оғир вазиятдан олиб чиқиб кетиши мумкин. Яна бир марта самарқандлик барча мухлислардан мағлубият учун узр сўрайман", - деб Файзиевнинг сўзларини келтириб ўтди клуб матбуот хизмати.

Фикрлар

Фикр қолдириш учун авторизациядан ўтинг!
&
Lochin79
27/08/2019 23:55
Mana trenir almashtirish navbahor misolida kurdinglar .sila ham qoqilmanglar.davronga (akami)imkon beringlar.hech yiq bir yil.sila bu yil chiqdinglarku. Qandaydir soatlar ichida .hozirgi holat yomon emas.sabir qilish kerak
&
Lochin79
27/08/2019 23:55
Mana trenir almashtirish navbahor misolida kurdinglar .sila ham qoqilmanglar.davronga (akami)imkon beringlar.hech yiq bir yil.sila bu yil chiqdinglarku. Qandaydir soatlar ichida .hozirgi holat yomon emas.sabir qilish kerak
Murod Panjiev
27/08/2019 21:44
Мурабий алмаштиришдан фойда йук энди колган уйинларни куриш керак Даврон ака сиз кучли мутахасис иккинчи даврада жамоалар кучайди шунинг учун ютказияпсилар агар динамо рахбарияти сиз айтган уйинчиларни олиб берганда хозир бошкача буларди кетманг айб сиздамас рахбариятда(сурхон мухлиси)
&
Sash
27/08/2019 20:58
Bitta yahshi ESHON topib uqitvorish kerak kamandani.