Супертўпурар фақат “Реал”га ўтишини уқтирди

А Серия тўпурарлигини қўлга киритган Виктор Осимхен Европанинг гранд клублари ўртасида талаш бўлмоқда.

Айни пайтда Англия Премьер-лигасининг бир неча клуби “Наполи”дан ҳужумчисини сотишни сўрамоқда. Неаполликлар тўпурарни 180 миллион еврога қўйиб юборишга тайер.

Todofichajes нашрининг таъкидлашича, нигериялик футболчининг ўзи фақатгина “Реал”га ўтишни истаяпти. Мадридликларнинг асосий трансфер нишони Килиан Мбаппе ҳисобланади.

Бироқ, мутахассисларнинг тахминига кўра, агар “Қироллик клуби” франциялик тўпурарни қўлга кирита олмаса, ўрнига 24 ёшли Осимхенни олади.

Виктор Осимхеннинг Италия чемпиони билан амалдаги шартномаси 2025 йилнинг ёзигача имзоланган.