"Сурхон" - "Навбаҳор": Томонларнинг 30-беллашувида кимнинг қўли баланд келади

Ўзбекистон Суперлигасининг 21-туридан ўрин олган баҳсда “Навбаҳор” Термизда “Сурхон” меҳмони бўлади.   

Мазкур клублар шу кунгача миллий чемпионатларимиз тарихида ўзаро 29 марта рўбарў келишган. Ушбу ўйинларнинг 20 тасида “лочинлар”нинг қўли баланд келган (битта ўйинда “Навбаҳор”га техник ғалаба ёзилган),  5 тасида термизликлар ғалаба қозонишган бўлса, 4 та баҳсда эса жамоалар муроса кўчасини танлашган. Тўплар нисбати – 77-21, “Навбаҳор” фойдасига.

Ўзаро учрашувларда “Навбаҳор” 64 очко, “Сурхон” эса 19 очкони қўлга киритган.

Ушбу жамоалар ўртасидаги ўйинлардаги энг йирик - 9:0 ҳисоби 1997 йили Наманганда қайд этилган. Таъкидлаш жоизки, наманганликлар ўтказилган 29 та баҳснинг 12 тасида термизликлар устидан йирик ҳисобда зафар қучишган. 

Мазкур клубларнинг Сурхондарёда бўлиб ўтган баҳсларига тўхталадиган бўлсак, жамоалар Термизда ўзаро 14 марта куч синашишган (Ўтган йили Тошкентдаги ТТЙМИ стадионида бўлиб ўтган баҳс ҳам “Сурхон” номинал мезбон бўлганлиги боис, инобатга олинди).

Ушбу ўйинларнинг 5 тасида термизликлар ғалаба қозонишган бўлса, 5 тасида наманганликлар зафар қучишган, яна 4та баҳсда эса дуранг натижа қайд этилган.

“Сурхон” ўз майдонида ўтказилган ўзаро учрашувларда “Навбаҳор” дарвозасини 17 марта ишғол этган бўлса, наманганликлар термизликлар дарвозасига  25 та тўп киритишган.

Ўтган йили Тошкентдаги ТТЙМИ стадионида бўлиб ўтган сўнгги баҳсда дуранг, яъни 1:1 ҳисоби қайд этилганди.  

Жорий мавсумнинг 1-даврасида Наманганда ўтказилган учрашувда “лочинлар” Иван Соловьёв ва Славиша Стояновичнинг голлари эвазига 2:0 ҳисобида ғалаба қозонишганди.

Умид қиламизки, бўлажак баҳсда ҳам севимли жамоамиз жорий мавсумдаги навбатдаги ғалабасини нишонлайди.

“Сурхон” – “Навбаҳор” жамоалари ўртасидаги учрашув 3 октябрь куни “Сурхон арена” стадионида соат 16:00 да старт олади.

Бўлажак ўйинда “лочинлар”га омад ёр бўлишини тилаймиз.

 Барча учрашувлар қайдномаси:

28.03.1992          "Сурхон" – "Навбаҳор"  - 1:1

29.10.1992          "Навбаҳор" – "Сурхон"  -  +:-

13.04.1994          АСК – "Навбаҳор"  -       2:3

13.11.1994          "Навбаҳор" - АСК -        2:1

11.06.1995          "Навбаҳор" - АСК -        4:0

19.08.1995          АСК - "Навбаҳор" -        2:5

26.06.1996          "Навбаҳор" - АСК -        4:1

29.08.1996          АСК - "Навбаҳор" -        1:4

13.04.1997          "Навбаҳор" – Сурхон -   9:0

04.10.1997          Сурхон – "Навбаҳор" -   1:0

18.04.1998          "Навбаҳор" – Сурхон -   5:0

08.10.1998          Сурхон – "Навбаҳор" -   3:1

06.06.1999          "Навбаҳор" – "Сурхон" -   1:0

14.08.1999          "Сурхон" – "Навбаҳор" -   1:0

19.04.2000          "Сурхон" – "Навбаҳор" -   3:3

30.09.2000          "Навбаҳор" – "Сурхон" -   5:0

23.06.2001          Сурхон - Навбаҳор      0:3

31.07.2001          "Навбаҳор" - "Сурхон"      7:1

28.04.2002          "Сурхон" – "Навбаҳор" -   1:0

19.10.2002          "Навбаҳор" – "Сурхон" -   1:0

14.05.2003          "Сурхон" – "Навбаҳор" -   1:0

13.09.2003          "Навбаҳор" – "Сурхон" -   2:1

15.03.2004          "Навбаҳор" – "Сурхон" -   6:0

05.11.2004          "Сурхон" – "Навбаҳор" -   0:4

21.04.2019          “Навбаҳор” – “Сурхон” – 3:0

19.10.2019          “Сурхон” – “Навбаҳор” – 0:0.

19.08.2020          “Сурхон” – “Навбаҳор” – 1:1

20.11.2020          “Навбаҳор” – “Сурхон” – 1:0.

12.05.2021          “Навбаҳор” – “Сурхон” – 2:0.

“Навбаҳор” ПФК матбуот хизмати