"Сурхон" футболчиси Тожикистон терма жамоаси йиғинида иштирок этмоқда

Зоир Жўрабоев Тожикистон терма жамоаси сафида машғулотларга киришди. Бу ҳақда "Сурхон" клуби матбуот хизмати хабар берди.

“Сурхон” жамоаси ҳимоячиси Зоир Жўрабоев Тожикистон терма жамоаси сафида “King's Cup 2022” турнирида иштирок этиш учун машғулотларни бошлади.

Футболчи ўз термаси сафида 22 сентябрь куни турнирнинг ярим финал ўйинида Тринидад ва Тобаго терма жамоасига қарши майдонга тушиши кутилмоқда.