"Сурхон" клуби SPORTS.uz сайтида чоп этилган интервьюдаги фикрлар юзасидан расмий муносабат билдирди. Ким ҳақ: клубми ёки футболчи?

Бугун SPORTS.uz сайтида ўтган мавсум "Сурхон" клуби шарафини ҳимоя қилган ва яқиндагина "Турон" йиғинига қўшилган Жаҳонгир Меҳмоновнинг интервьюси чоп этилди. Унда ҳимоячи "Сурхон"даги фаолияти борасидаги фикрларини баён этган.

Ушбу материалдан сўнг, термизликлар матбуот хизмати футболчининг айтган гаплари учун муносабат билдирди. 

- 2021 йилнинг 8 январь куни ўтган мавсум "Сурхон" таркибида тўп тепган Жахонгир Мехманов sports.uz сайтига берган интервьюсида "Сурхон" футбол клуби ҳақида бир қатор салбий фикрларни билдирган. "Сурхон" футбол клуби футболчи Жахонгир Мехманов билан боғлиқ қуйидаги фактларни маълум қилади:

- "Сурхон" футбол клуби 2020 йилнинг 6 январь куни футболчи Жахонгир Мехманов билан 1 йиллик шартнома имзолайди. Ушбу шартноманинг 7.2 бандида "Иш берувчи чемпионат ўйинларини дастлабки 1-6 ўринларида якунласа, ишчига ўзи билан келишилган суммани" олиши ҳақида айтиб ўтилган. Лекин "Сурхон" мавсум якунида 12-ўринни эгаллади ва бу ўз-ўзидан англатадики, футболчига ҳеч қанақа рағбатлантириш пули берилмайди.

"Турон"да футбол учун барча шароит бор, "Сурхон"да эса...Ёхуд клубини ўзгартирган футболчидан очиқ гаплар

Бундан ташқари, футболчи Жахонгир Мехманов ўзи билан тузилган меҳнат шартномасини охиригача бажармади ва қўпол равишда бузди. Яни футболчи билан меҳнат шартномаси 30 ноябрь куни ўз ниҳоясига етиши кўрсатиб ўтилган. Лекин футболчи Суперлига 25-туридан ўрин олган "Металлург" билан учрашувдан сўнг, клуб билан Термиз шаҳрига қайтмасдан, ҳеч кимнинг рухсатисиз ўз уйига Наманганга кетиб қолган.

Қолаверса, "Сурхон" жамоаси Термиз шаҳрида эмас Тошкент шаҳрида барча шароитларга эга меҳмонхонада истиқомат қилган.

"Сурхон" футбол клуби хабарларда келтирилаётган мазкур ҳолатларни рад этиб, Сизлардан аҳоли орасида турли миш-мишлар пайдо бўлишига, уларда салбий фикр ва ишончсизликни шакллантиришга олиб келадиган ушбу мазмундаги ёлғон маълумотларга ишонмасликни сўрайди!, - дейилади клубнинг расмий муносабатида.

Қуйида сиз Жахонгир Мехмановнинг тўлиқ интервьюси билан танишишингиз мумкин >>>>>