"Сурхон" назорат учрашувида "Хўжанд"га ютқазди

Бугун Тошкентда “Сурхон” жамоаси янги бош мураббий бошчилигидаги дастлабки ўртоқлик ўйинини ўтказди. Олдин хабар берганимиздек, Тожикистоннинг “Хўжанд” клуби термизликларнинг рақибига айланди.

Ушбу қарама-қаршиликда “Сурхон” “Хўжанд”га 1:2 ҳисобида ютқазиб қўйди. Қизиғи, ўтган йили “Навбаҳор”да тўп сурган ва яқинда “Хўжанд” сафига қўшилган ҳамюртимиз Шохруҳ Маҳмудхожиев термизликлар дарвозасини ишғол қилди. Тожикистонликларнинг яна бир голи Далер Ёдгоров ҳисобига ёзилди. “Сурхон” аъзоси Жасур Холтўраевнинг голи эса жамоасини мағлубиятдан қутулиб қолиши учун етарли бўлмади.