"Сурхон"нинг "Машъал"га қарши ўйини бошқа стадионда бўлиб ўтади

5 апрель куни Ўзбекистон Кубогининг «B» гуруҳидан жой олган «Сурхон» — «Машъал» учрашуви «Жар» стадионида бўлиб ўтади.

Бунгача «Сурхон» ўз уй учрашувларини «Пахтакор» стадионида ўтказиб келаётганди. Бироқ 5 апрель куни «Пахтакор» Ўзбекистон аёллар терма жамоасининг Париж-2024 саралаши доирасидаги Бутанга қарши ўйинига мезбонлик қилади. Шундан келиб чиқиб, «Сурхон» фақатгина 1 та учрашувга «Жар» билан келишувга эришди. 

«Сурхон» — «Машъал» ўйини 18:00 да старт олади.

ЎзПФЛ матбуот хизмати.