Тайсон Фьюри ва Диллиан Уайт жанги ташкилотчилиги катта маблағга сотиб олинди

Профессионал бокснинг оғир вазн тоифасида WBC жаҳон чемпионлик камари эгаси Тайсон Фьюри ва даъвогар Диллиан Уайт жангини ташкил этиш ҳуқуқини қўлга киритиш учун очиқ промоутерлик савдоси бўлиб ўтди. Унда Queensberry компанияси раҳбари Фрэнк Оуррен 41 миллион доллар эвазига ташкилотчилик ҳуқуқини сотиб олди. Matchroom компанияси раҳбари Эдди Ҳирн эса 32 миллион доллар таклиф қилган эди. Жанг 23 апрелда Буюк Британияда бўлиб ўтиши режалаштирилган.

WBC ташкилоти мазкур маблағларни боксчиларга 80/20 миқдорида гонарар сифатида белгилаб берган. Унга кўра, Фьюри кафолатланган 32.8 миллион, Уайт 8.2 миллион миқдорда маблағга эга бўлади.