Тен Ҳаг Нидерландия терма жамоасини бошқариши мумкинлиги ҳақидаги хабарга муносабат билдирди

«Манчестер Юнайтед» ва «Аякс» клубларининг собиқ бош мураббийи Эрик тен Хаг Нидерландия терма жамоасига бош мураббий сифатида тайинланиши мумкинлиги ҳақидаги хабарларга муносабат билдирди. Ҳозирда мутахассис «Твенте» клубида техник директор лавозимида фаолият юритмоқда.

«Мен ҳозирча эркин эмасман. Бу қарорни онгли равишда қабул қилганман. Ҳар қандай ҳолатда ҳам кейинги икки йил давомида шу ердаги ишим билан банд бўламан. Бу жой менга ёқади, клубнинг ривожига ҳисса қўшишни истайман», — дея тен Хагнинг сўзларини AD нашри келтиради.

1 июл куни Нидерландия Футбол ассоциацияси Рональд Куман шартномаси муддати тугагач (31 июл) «апельсинлар» терма жамоаси бош мураббийи лавозимини тарк этишини маълум қилган эди.

Тен Хагнинг мураббий сифатидаги сўнгги иш жойи «Байер» клуби бўлган. У леверкузенликларни 2025 йил июлидан сентябригача бошқарган. Шу қисқа давр ичида жамоа унинг қўл остида учта расмий ўйин ўтказган.