Тен Хаг "Аякс"да Йохан Кройффнинг рекордини такрорлади

"Аякс" Голландия чемпионатининг 7-турида "Фортуна"ни 5:2 ҳисобида тор-мор келтирди.

Амстердам клуби бош мураббий Эрик тен Хаг қўл остида чемпионатнинг 82 та ўйинида 250 та гол урди. Ушбу голларнинг 20 таси сўнгги 3 та ўйинда киритилди.

Goal.com нашри тарқатган хабарга кўра, тен Хаг бу борада "Аякс"нинг собиқ бош мураббийи Йохан Кройффнинг 1987 йилги рекордини такрорлаган.

Эрик тен Хаг “Аякс”ни 2017 йилдан буён бошқариб келмоқда.