Тен Хаг Роналду ўрнини тўлдириш қийин эканини тан олди

 "Манчестер Юнайтед" клуби бош мураббийи Эрик тен Хаг жамоанинг қишки трансфер мақсадлари борасида қисқача гапириб ўтди. 

"Икки нарсани алоҳида айтиб ўтишим мумкин. Биринчиси - ўзимиздаги ёшларга кўпроқ эътибор қаратишимиз мумкинлиги бўлса, иккинчиси - керакли ҳужумчи сотиб олиш. 

Гарначо, Эланга ва Пеллистри менда яхши таассурот қолдирмоқда. Улар машғулотларда ҳам ажойиб ҳаракат қилишяпти.

Янги ҳужумчи масаласига келсак, Роналду ўрнини тўлдириш қийин бўлади, албатта. Клубнинг ҳар бир футболчига бўлган талаби юқори ва бу янги келганларга осон бўлмаслигини англатади", - деди нидерландиялик мутахассис.

Эслатиб ўтамиз, "Манчестер Юнайтед" бугун тунги вақт 01:00 да "Ноттингем Форест"га қарши баҳс олиб боради.