Тен Хаг Роналдудан норози эканлигини яширмади

"Манчестер Юнайтед" бош мураббийи Эрик тен Хаг ҳужумчи Криштиану Роналдунинг хатти-ҳаракати ҳақида фикр билдирди. Эслатиб ўтамиз, португалиялик яқинда бўлиб ўтган "Райо Вальекано"га қарши ўртоқлик ўйини вақтида голландиялик мутахассис билан тортишиб қолганди.

“Мен унинг бундай хатти-ҳаракатни қабул қололмайман. Бу футболчи учун ҳам, мен учун ҳам яхшилик билан тугамаслиги мумкин. Менинг қоидаларимга ҳамма амал қилиши керак. Биз бир жамоамиз, шунинг учун барча футболчилар клуб келажаги учун бирдек ҳаракат қилиши зарур”, — деди Тен Хаг матбуот анжуманида.

Эслатиб ўтамиз, Криштиану Роналду "Манчестер Юнайтед"ни тарк этмоқчи. Португалиялик ҳужумчи келаси мавсум Чемпионлар лигасида ўйнайдиган клубда ўйнашни истамоқда.