Тен Хаг Роналдуга ишонади

"Манчестер Юнайтед" бош мураббийи Эрик тен Хагдан Криштиану Роналду ўтган мавсумдаги формасига қайтиши мумкинми, деб сўрашди.

“Ҳаммаси унинг ўзига боғлиқ. Ўйлайманки, Роналду яратаётган ва у учун яратилаётган имкониятларни ҳисобга олсак, Криштиану олдинги даражасига қайта олади, деган хулосага келишимиз мумкин. Демак, бу мумкин. Мен унга ишонаман”, деди Тен Хаг.

Криштиану Роналду 2022/2023 йилги мавсум “Манчестер Юнайтед” сафида 13 та ўйинда майдонга тушиб, ўз ҳисобига учта гол  ва битта голли узатма ёздириб қўйган.