Тен Хаг Роналдуга ўринбосар бўла оладиган футболчилар рўйхатини тузди

"Манчестер Юнайтед" Криштиану Роналду билан шартнома узайтирилиши даргумон. Клуб бош мураббийи Эрик тен Хаг эса португалиялик юлдузнинг ўрнини боса оладиган ҳужумчилар рўйхатини аллақачон тузиб бўлган.

"Manchester Evening News" нашри хабарига кўра, рўйхатнинг биринчи поғонасида "Наполи" ҳужумчиси Виктор Осимхен бўлиб турибди. “Қизил иблислар” нигериялик футболчини келаси ёзда Англияга олиб келишга ҳаракат қилади.

Декабр ойининг охирида Виктор Осимхен ўзининг 24 ёшини нишонлайди. 2022/2023 йилги мавсумда ҳужумчи 13 учрашувда 9 та гол ва 3 та голли узатмани амалга оширди. "Тransfermarkt" портали нигериялик футболчини 65 миллион еврога баҳоламоқда.